30/12/15

MANUEL MARÍA EN TEMPO DE NADAL


PANXOLIÑA DOS GALEGOS

¡O Neno Deus é un neniño
que namora soio o velo!
¡Os seus ollos son de luz
e de ouro fino o cabelo!

- ¿Non vedes fiar a Virxe
tan caladiña e tristeira?
- ¿Imos levarlle, pastores,
un año branco e manteiga!

San Xosé é carpinteiro
e xa non serra madeira.
¡Anda a facer unha cruz
dun pauíño de oliveira!

¡Camiñade, galeguiños,
camiñade ata Belén...!
¡Xa naceu o Rei do Ceo
e quen lle cante non ten!

Ningún comentario:

Publicar un comentario

DESPEDIDA